Osmani i uron suksese Begajt e Ramës në marrjen e Presidencës së KS të OKB-së: Ne të vazhdojmë të qëndrojmë të bashkuar
Presidentja e Kosovës, Vjosa Osmani, i ka uruar fat të mbarë presidentit të Shqipërisë, Bajram Begaj dhe kryeministrit Edi Rama në udhëheqjen e Presidencës në Këshill të Sigurimit të Kombeve të Bashkuara, përcjell “Kosova Sot Online”.
Ajo tha se është një kohë kyçe për paqen dhe sigurinë, duke shtuar se është e rëndësishme në promovimin e vlerave demokratike.
“Suksese Presidentit Bajram Begaj, Kryeministrit Edi Rama, Misionit të Shqipërisë në OKB me marrjen e Presidencës së KS të OKB-së nga Shqipëria. Në këtë kohë vendimtare për paqen dhe sigurinë, është e rëndësishme që ne të vazhdojmë të qëndrojmë të bashkuar në promovimin e vlerave tona të përbashkëta demokratike globalisht”, ka shkruar Osmani.
Nga sot Shqipëria ka marrë Presidencën e Këshillit të Sigurimit të OKB-së që zgjat për një muaj.
Best of luck to President @BajramBegajAL, PM @ediramaal & @AlMissionUN as Albania takes over the #UNSC presidency.
— Vjosa Osmani (@VjosaOsmaniPRKS) September 1, 2023
At this crucial time for peace & security, it is important that we continue to stand united in promoting our shared democratic values globally. 🇽🇰🇦🇱
(Kosova Sot Online)
