Osmani: Veriu ka qenë dhe do të jetë pjesë e Kosovës, nuk do të lejojmë që të bëhet fushëbetejë
Presidentja e Kosovës, Vjosa Osmani, gjatë konferencës që pati me Sekretarin e NATO-s, Jens Stoltenberg i tha atij se Kosova ka forca keqdashëse të cilat janë të vendosura ta rrënojnë suksesin historik të saj, përcjell "Kosova Sot Online".
Tutje, Osmani tha se veriu i Kosovës ka qenë dhe do të jetë pjesë përbërëse e Kosovës.
“Kosova po përjeton ndërhyrje të paligjshme të huaja dhe obstruksion të autoritetit legjitimit në veri dhe në shumë raste kjo ka sjellur edhe agresion”.
“Që të jem e qartë, veriu i Kosovës ka qenë dhe do të jetë pjesë përbërëse e Kosovës. Nuk do të lejojmë që veriu të bëhet fushëbetejë për arritjen e ambicieve hegjemoniste të autokratëve rajonalë”, tha Osmani.
(Kosova Sot Online)