Shqiptarët në Serbi thirrje Ministrisë së Brendshme serbe

Banorët e Komunës së Bujanocit i kanë bërë thirrje Ministrisë së Brendshme të Serbisë që të respektojnë Kushtetutën për punësimin në organet shtetërore, pasi konsiderojnë se diskriminimi në këtë fushë ka prekur kufijtë e racizmit, përcjell “Kosova Sot Online”.

Për këtë ka shkruar në Facebook kryetari i Këshillit kombëtar shqiptar në Serbi, Nevzad Lutfiu.

Lutfiu ka shkruar se i bëjnë thirrje Bashkësisë Ndërkombëtare që ta kenë vëmendjen tek gjendja e shqiptarëve në Serbi, sepse diskriminimini ka prekur kufijtë e racizmit.

“’Respektojeni kushtetutën’ ishte thirrja që i bëmë sot Ministrisë së Brendshme të Serbisë.

Neni 77 i Kushtetutës së Republikës së Serbisë thotë: “Lidhur me punësimin në organet shtetërore, në ndërmarrjet publike, organet e krahinës, vetëqeverisjes lokale duhet të kihet parasysh përbërja nacionale dhe përfaqësimi proporcional i pakicave nacionale”.

Numri i policëve shqiptarë është tejet i vogël, madje shumë prej tyre janë afër pensionit.

As edhe një polic i pranuar në vitet e fundit nga komuniteti shqiptar.

I bëjmë thirrje Bashkësisë Ndërkombëtare që ta kenë vëmendjen tek gjendja e shqiptarëve në Serbi, sepse diskriminimini ka prekur kufijtë e racizmit”, ka shkruar ai.

(Kosova Sot Online)