Lexoni edhe:
Përse nuk hetohet dhe urgjentisht të burgoset Behgjet Pacolli!?
AAK fillon të ankohet: Jemi shteti i vetëm në rajon pa sigurime shëndetësore
Deputeti nga radhët e AAK-së, Shemsedin Dreshaj, tha se Kosova është shteti i vetëm në rajon i cili nuk ka sigurime shëndetësore, transmeton "Kosova Sot Online ".
“Përkundër buxhetit të dyfishuar, vazhdon një situatë e ngjashme me probleme të njëjta dhe skandale të njëpasnjëshme. Premtimet e dhëna ma herët, ende vazhdojnë të ngelin premtime, nuk kemi asnjë veprim konkret. Vazhdon ikja e personelit, problemi me listën e barnave esenciale, vazhdon problemi në listën e pritjes, në Klinikën e Ortopedisë ka pacientë që presin deri në katër vjet”, tha Dreshaj.
Sipas tij, për të dalë nga kjo situatë, nevojitet që shëndetësia të bëhet prioritet kombëtar.
Në fund, ai ka folur edhe për dialogun Kosovë-Serbi dhe çështjen e Asociacionit të Komunave me Shumicë Serbe. Dreshaj ka thënë se palët nuk kanë vullnet politik për implementimin e Asociacionit.
(Kosova Sot Online )
