Përplasjet qeveri – komunë për çmimin 350 milionësh të unazës, Zogaj: Është autostradë që e rrethon Prishtinën dhe lidhet me hyrjet kryesore
Një ditë pasi Kryetari i Komunës së Prishtinës, Përparim Rama, tha se Ministri i Financave, Hekuran Murati, s’po e jep nënshkrimin për Unazën e Jashtme të Prishtinës, nënkryetari i kësaj komune, Alban Zogaj ka thënë se do të insistojnë që ta ndërtojnë këtë projekt, përcjell “Kosova Sot Online”.
Zogaj ka thënë se ky projekt do të jetë autostradë që e rrethon Prishtinën, dhe lidhet me hyrjet kryesore në kryeqytet.
“Unaza e Jashtme e Prishtinës është projekt strategjik! Është autostradë që e rrethon Prishtinën, dhe lidhet me hyrjet kryesore në Kryeqytet. Pra, lidhet me hyrjen nga Gjilani, me hyrjen nga Fushe Kosova, me hyrjen nga Mitrovica dhe me hyrjen nga Podujeva! E shkarkon Kryeqytetin nga komunikacioni i panevojshem dhe krijon lidhje te reja me zonat industriale! Unaza e Jashtme e Prishtinës është projekt Nacional.
Ne do të insistojmë ta ndërtojmë këtë projekt, sepse fiton Prishtina, sepse fiton Kosova! Dhe, është futur si prioritet në Programin Politik të LDKsë ‘Rruga e Re’.”, ka shkruar Zogaj.
Unaza e Jashtme e Prishtinës është projekt strategjik! Është autostradë që e rrethon Prishtinën, dhe lidhet me hyrjet kryesore në Kryeqytet. Pra, lidhet me hyrjen nga Gjilani, me hyrjen nga Fushe Kosova, me hyrjen nga Mitrovica dhe me hyrjen nga Podujeva! E shkarkon Kryeqytetin… pic.twitter.com/HYUIkJc2wQ
— Alban Zogaj (@albanzogaj) September 13, 2023
(Kosova Sot Online)