Thaçi: Kosova mund ta pësojë keq nëse përfundon lufta në Ukrainë

Analisti Jusuf Thaçi,vlerëson se Kosova do të duhej të tërhiqej nga ky format i dialogut, transmeton gazeta "Kosova Sot Online".

Sipas tij “në momentin që është hequr kërkesa nga njohja dhe është parë animi i ndërmjetësve”, do të duhet tërheqja e Kosovës nga ky format i dialogut.

Sipas tij, pas luftës në Ukrainë, Serbia mund të marrë anë kah perëndimi dhe NATO dhe kësisoj Kosova do të dalë me vlerë të vogël karshi fuqive të mëdha.

“Unë personalisht shqetësimin më të madh e kam çka do të ndodh pas përfundimit të luftës Rusi-Ukrainë. Sepse qartazi në çafërdo versioni, Rusia, në një mënyrë ose mënyrë tjetër do të dalë e humbur. Për pasojë Serbia s’do të ketë alternativë veç se të ndërrojë anë dhe të radhitet me perendëimin e nashta drejt NATO-s, e atëherë Kosova do të jetë me vlerë absolutisht të vogël para fuqive dhe mujna me pësu më keq sesa oguret e situatës aktuale”, tha ai.

(Kosova Sot Online)