Selmanaj i zbulon “armiqtë” që thotë se i ka shpikur Albin Kurti

“Armiqtë” që i ka krijuar kryeministri Albin Kurti gjatë qeverisjes së tij, i ka renditur deputeti i Lidhjes Demokratike të Kosovës, Driton Selmanaj, transmeton gazeta “Kosova Sot Online”.

“Albin Kurti, për të mbijetuar në politikë gjithnjë i duhet nje “Armik” kujdestarë”, shkroi Selmanaj në Facebook.

“Ky njeri nuk mundet me qeverisë pa shpikur “armiq” kujdestarë”, shkroi ai.

Deputeti i LDK-së shkroi se “mosdija dhe dështimi nuk munden të fshehen me “armiq” të shpikur”.

“Kosova ka nevojë për zhvillim e prosperitet në çdo fushë, e jo broqkulla, e sjellje paranojake me “armiq” të kujdestarë e shpikur!”.

Postimi i Driton Selmanajt:

Albin Kurti, për të mbijetuar në politikë gjithnjë i duhet nje “Armik” kujdestarë.

Për t’i fshehur skandalet qeveritare, “armiq”i bënë mediet;

Për ta fshehur dështimin në arsim, “armik” e bën SBASHK-un;

Për ta fshehur dështimin në shëndetësi, “armik” i bënë mjekët;

Për ta fshehur dështimin në drejtësi, “armik” i bënë prokurorët e gjyqtarët;

Pë ta fshehur dështimin në ekonomi, “armik” i bënë bizneset (“Oligarkët” siq di t’i thotë ai);

Për ta fshehur dështimin në infrastrukturë, “armik” i bënë qeveritë e kaluara;

Për ta fshehur dështimin dhe paditurin për draftimin e ligjeve kualitative, “armike” e bënë Gjykatën Kushtetuese;

Për ta fshehur dështimin në dialog e diplomaci, “armike” i bënë ndërmjetësitë dhe gjithë bashkësinë ndërkombëtare;

Ky njeri nuk mundet me qeverisë pa shpikur “armiq” kujdestarë.
…dhe një ditë kur qytetarët e Kosovës masivisht do të kërkojnë llogari prej tij, ky ka me u armiqësu edhe me vet qytetarët dhe votuesit e tij. E ajo ditë jam i bindur që po afrohet me shpejtësi.
Mosdija dhe dështimi nuk munden të fshehen me “armiq” të shpikur.
Kosova ka nevojë për zhvillim e prosperitet në çdo fushë, e jo broqkulla, e sjellje paranojake me “armiq” të kujdestarë e shpikur!

(Kosova Sot Online)