Ja pse nxënësi me aftësi të kufizuara s’e fillon ende mësimin
Mësimin nuk e filloi si të gjithë nxënësit e tjerë, Ron Sejdiu nxënës i klasës së tetë në shkollën “Mihal Grameno” në Fushë Kosovë, transmeton gazeta "Kosova Sot Online".
Kjo për shkak se klasës së tij iu ndërrua objekti shkollor.
E një situatë e tillë, u bë problem për të për shkak të gjendjes së tij shëndetësore.
16 vjeçari shprehet se po ndjen mall për shokët e klasës.
E si erdhi deri te mungesa e tij në shkollë, e tregon e ëma.
Ajo shprehet se problemin e vetëm që e kanë është transporti deri në shkollë.
Nga drejtoria e shkollës “ Mihal Grameno” shprehen se prindërve iu është premtuar transporti.
Drejtoria e Arsimit në një përgjigje për televizionin, nuk janë deklaruar konkretisht për rastin, megjithatë u shprehën se të gjithë fëmijët që plotësojnë kushtet do të subvencionohen me transport.
(Kosova Sot Online)