Lexoni edhe:
Shaqiri për ndeshjen kundër Kosovës: Përballja me Kosovën do të jetë emocionuese, do ta shijoj çdo moment duke luajtur atje
Zbulohet identiteti, ky është 76-vjeçari që vdiq nga zjarri në fshatin e Malisheves
Në orët e hershme të mëngjesit është djegur një shtëpi në fshatin Panorc të Malishevës. Si pasojë e zjarrit ka vdekur një 76-vjeçar, derisa një grua është dërguar në trajtim mjekësor në QKUK.
I ndjeri, raportohet të jetë Ismet Bajrami, babai i dëshmorit Milaim Bajramit.
Siç njofton Policia, në momentin kritik në shtëpi ishin katër persona, prej tyre viktima nuk ka mundur të dilte.
Rastin e ka konfirmuar zëdhënësi i Policisë për rajonin e Gjakovës, Sheremet Elezaj.
“Sot rreth orës 02:40, policia është njoftuar se në fshatin Panorc-Malishevë një shtëpi ishte përfshirë nga zjarri. Policia ka dalë në vendin e ngjarjes, po ashtu edhe zjarrfikësit. Në shtëpi kanë qenë duke banuar katër persona, njëri prej të cilëve nuk kishte arritur të dilte.
Pasi është lokalizuar zjarri është gjetur viktima mashkullor i moshës 76 vjeçare, pa shenja jete. Vdekjen e tij e ka konstatuar ekipi mjekësor në vendin e ngjarjes.
Po ashtu njëri prej të mbijetuarve për shkak të gjendje së rënduar shëndetësore, është dërguar në QKUK për trajtim mjekësor. Në konsultim me prokurorin e shtetit është iniciuar rast “Zjarrvënie” dhe aktualisht janë duke u ndërmarrë veprimet e nevojshme për të hetuar shkaktarët e incidentit”, tha Elezaj.
(Kosova Sot Online )
