Miliçeviq: Grupi që ka kryer sulmin mund të jetë organizuar me iniciativën e Vuçiqit

Lista serbe ka dështuar plotësisht, dhe ndikimi i Beogradit tek serbët lokalë në veri të Kosovës është zvogëluar, ka thënë Miodrag Miliceviq, drejtor i organizatës joqeveritare “Aktiv” nga Mitrovica.

Miliçeviq në N1 tha se heshtja që mbretëroi pas incidentit në fshatin Banjskë, por edhe në situatat e mëparshme, ishte e pakuptueshme. Ai shton se popullata vendase ka mbetur vetëm për shkak të atij muri heshtjeje.

I pyetur se kush ka ndikim te serbët në Kosovë, nëse nuk është lista Srpska dhe Beogradi, i ftuari N1 thotë se i vetmi ndikim që ekziston aktualisht në Kosovë është ai që ushtron Beogradi në Listën Srpska.

“Sa i përket pjesës tjetër të skenës politike, këta janë kryesisht njerëz që veprojnë me iniciativën e tyre, pa kurrfarë koordinimi me asnjërën nga partitë politike në Serbi dhe me një koordinim reciprok shumë të dobët. Kjo e bën këtë foto të zymtë dhe pa ide, sepse nuk keni iniciativë se çfarë të bëni më pas dhe si të dilni nga ky problem”, theksoi Miliceviq.

Duke komentuar vlerësimin se presidenti i Serbisë Aleksandar Vuçiq ia ka hedhur të gjithë fajin serbëve të Kosovës, bashkëbiseduesi nga Mitrovica thotë se ka mundësi që grupi që ka kryer sulmin të jetë organizuar me iniciativën e tij.

(Kosova Sot Online)