Deputeti i VV-së njofton për suksesin e trajtimit të vajzës në Turqi: Mrekullitë ndodhin

Deputeti i VV-së, Visar Korenica, ka treguar se vajza e tij e ka kaluar me sukses trajtimin në Turqi, përcjell “Kosova Sot Online”.

Korenica potencoi se jeta përplas secilin me probleme të ndryshme shëndetësore, por ai shtoi ser nuk duhet humbur shpresat, pasi mrekullitë ndodhin.

Tutje, ai shtoi se nuk duhet dorëzuar asnjëherë para sfidave jetësore.

Postimi i plotë:

Sot edhe dielli po rrëzon më ngrohtë

Të dashur miq e familjarë,

Sot duam të ndajmë gëzimin me të gjithë ju. Sot kur po kthehemi në vendlindje, jemi shumë të lumtur që vajza jonë Urtina e ka kaluar me sukses trajtimin në Turqi.

Janë të shumtë njerëz që sot do i falënderoja, por që do e zbehja gjithë madhështinë e respektit dhe angazhimit që kanë treguar në këtë periudhë të vështirë por jetike për ne.

Falenderojmë Zotin e Madhërishëm që na trasoi udhën ku përmes miqve tanë e mjekëve të vyer arritëm te mjekimi.

Jeta na përplas secilin me probleme të ndryshme shëndetësore por duhet të mos humbim asnjë shpresë, sepse mrekullitë ndodhin.

Sot, mrekullia jonë është Urtina, si ditën kur lindi dhe sot kur me vetëmohim mposhti sëmundjen e saj.

Kurrë mos u dorëzoni para sfidave jetësore, sepse Allahu është i madh dhe Atij i qofshim falë.

(Kosova Sot Online)