Gjykata e Lartë e SHBA-ve rrëzoi padinë që kërkon të përjashtojë Trumpin nga zgjedhjet

Gjykata e Lartë e SHBA-ve rrëzoi padinë që kërkon të përjashtojë Donald Trump nga zgjedhjet e vitit 2024, sipas një dispozite kushtetuese që ndalon këdo që “angazhohet në rebelim ose revolucion” të mbajë poste publike, transmeton gazeta “Kosova Sot Online”.

Gjyqtarët rrëzuan ankesën e John Anthony Castro, një konsulent tatimor nga Teksasi. Castro kishte apeluar një vendim të gjykatës më të ulët që thoshte se ai nuk mund të ngrejë një padi për të kërkuar shkarkimin e Trump sipas ligjit amerikan.

Trump, kandidati kryesor në garën për nominimin republikan, ka vazhduar të bëjë pretendimin e rremë se zgjedhjet e vitit 2020 iu vodhën atij përmes mashtrimeve.

(Kosova Sot Online)