SHBA do të dërgojë armë dhe municione në këtë vend

Shtetet e Bashkuara pritet të njoftojnë së shpejti se do të dërgojnë armë të vogla dhe municione të sekuestruara në Ukrainë , tha sot një zyrtar amerikan, transmeton gazeta "Kosova Sot Online".

Marina amerikane besohet se ka konfiskuar prej vitesh armë me origjinë nga Irani dhe të destinuara për luftëtarët e mbështetur nga Irani në Jemen, të cilat zakonisht transportoheshin me anije peshkimi.

Një zyrtar amerikan, duke folur në kushte anonimiteti, tha se njoftimi mund të bëhet që në fillim të kësaj jave.

Armët pritet të jenë armë të vogla si pistoleta dhe nuk ka gjasa të bëjnë shumë ndryshim në fushën e betejës, ndërsa armët me rreze të gjatë dhe sistemet e mbrojtjes kundërajrore kryesojnë listën e dëshirave të Ukrainës.

Armët e sekuestruara që do të transferohen gjithashtu nuk ka gjasa të lehtësojnë shqetësimet në lidhje me rrjedhën e vazhdueshme të armëve perëndimore në Kiev. 

(Kosova Sot Online)