Medaljen që e fitoi në Spanjë polici ia dhuron familjes së rreshterit Afrim Bunjaku

Në nëntë garat policore në Spanjë, së fundi ka fituar medalje Anton Cena, zyrtar policor, transmeton gazeta “Kosova Sot Online”.

Atë medalje, Cena ka vendosur t’ia dhurojë si kujtim familjes së rreshterit të vrarë në sulmin terrorist të 2 shtatorit, Afrim Bunjakut.

Fillimisht Cena u përgëzua nga Policia e Kosovës, e më pas ka thënë se ka shkuar në familjen e Afrim Bunjakut.

“Me të arritur në aeroport përgëzimet e para erdhën nga Policia e Kosovës me një torte. Më pas Brigada 138 ‘Agim Ramadani’ ma dhuruan flamurin e Brigadës që ta kam si kujtim për rezultatet e arritura që nga paslufta”.

“Dhe më pas drejtë e te familja e heroit të kombit, Afrim Bunjakut. Medaljen e fituar në garat e nënta policore në Spanjë ia dhurova familjes si kujtim. Lavdi për jetë e mot!”, ka shkruar Cena.

(Kosova Sot Online)