Sivjet Malisheva nuk regjistron asnjë rast të infektimit me ethe hemorragjike

Sivjet në Malishevë, nuk është regjistruar asnjë rast i infektimit me ethet hemorragjike, gjë kjo që po konsiderohet e suksesshme nga kjo komunë, transmeton "Kosova Sot Online".

“Lirisht mund të konsiderohet vit i suksesshëm, pasi edhe këtë vit, nuk kemi të regjistruar asnjë rast të infektimit me EHKK, e aq më pak të vdekjeve eventuale”, ka thënë sdrejtori i Drejtorisë për Shëndetësi, Hajdin Berisha.

“Gjatë këtij vitit, Komuna e Malishevës dhe QKMF në Malishevë, kanë mbajtur ligjërata vetëdijesuese nëpër shkolla, si dhe është vazhduar me spërkatjen apo dezinsektimin, kundër rriqrave si bartës të virusit të EHKK, që është pjesë e kompetencave të nivelit lokal, në kuadër të zbatimit të strategjisë nacionale për luftimin dhe parandalimin e EHKK”, thuhet tutje në njoftim.

(Kosova Sot Online)