Publikohet foto e fundit e familjes 5 anëtarëshe që u vra nga sulmet në Izrael

Qeveria izraelite ka publikuar një selfie të një familjeje të pafajshme që dyshohet se është vrarë nga militantët e Hamasit pranë kufirit të Gazës. Tamar dhe Yonatan Kedem, së bashku me fëmijët e tyre Shasar, Arbel dhe Omer, u vranë të gjithë në Nir Oz, i cili ndodhet vetëm 1.4 milje nga kufiri i Izraelit me Gazën, transmeton gazeta “Kosova Sot Online”.

Ata janë pesë nga më shumë se 700 izraelitë të vrarë që kur Hamasi nisi ofensivën e tij në shkallë të gjerë gjatë fundjavës, thanë të hënën Forcat Mbrojtëse të Izraelit (IDF).

Të paktën 1200 persona janë plagosur, shumë prej të cilëve janë në gjendje kritike. Figura të njohura denoncuan vrasjen e familjes, përfshirë ish-kryeministrin izraelit Naftali Bennett.

“Tamar dhe Yonatan Kedem, së bashku me fëmijët e tyre Shasar, Arbel dhe Omer. Një familje e tërë e shfarosur nga terroristët e Hamasit. Nuk ka fjalë. Qoftë i bekuar kujtimi i tyre.

“Shikoni fytyrat e tyre të lumtura. Të gjithë ata u vranë nga terroristët palestinezë në Nir-Oz. Vetëm sepse janë hebrenj”, ka shkruar Bennett.

Ushtria izraelite tha të hënën se kishte goditur më shumë se 500 objektiva në Rripin e Gazës si hakmarrje brenda natës në Rripin e Gazës, një enklavë prej 2.3 milionë banorësh, me zyrtarët atje që raportuan të paktën 500 të vdekur palestinezë.

Ministri i Mbrojtjes i Izraelit ka urdhëruar një “rrethim të plotë” të Gazës, tre ditë pasi militantët e Hamasit filluan të sulmojnë civilët izraelitë.

(Kosova Sot Online)