Helikopterët izraelitë po godasin territorin e Libanit
Forcat e Mbrojtjes së Izraelit (IDF) thanë në një deklaratë të shkurtër se helikopterët e saj aktualisht po godasin territorin libanez, transmeton gazeta “Kosova Sot Online”.
Ushtria izraelite njoftoi se helikopterët e saj luftarakë po sulmojnë objektiva në territorin e Libanit, pa dhënë detaje të mëtejshme.
Më herët, IDF tha se një “numër të armatosurish të dyshuar” që “u infiltruan” në Izrael nga Libani u vranë dhe se ushtarët izraelitë po e kontrollojnë zonën.
Paqeruajtësit e Forcave të Përkohshme të Kombeve të Bashkuara në Liban (UNIFIL) thanë në një deklaratë se janë raportuar shpërthime pranë Al-Boustan në Libanin jugperëndimor.
Helikopterët luftarakë izraelitë po sulmojnë territorin e Libanit.
(Kosova Sot Online)