Hamasi rrëmben 85 vjeçaren, familjarët në lot kërkojnë ndihmë për ta gjetur
Mbesa e një gruaje të moshuar të marrë peng nga Hamasi paralajmeroi se gjyshja e saj 85- vjeçare Yafa Adar është pa ilaçe dhe “me shumë dhimbje”. Disa video ne rrjetet sociale kapen momentet kur e moshuara u mor peng nga personat e armatosur ne kufirin me Gazën e kontrolluat nga terroristet e Hamasit. Gruaja e moshuar është në mesin e qindra civilëve dhe ushtarëve izraelitë që mbahen peng pasi Hamasi sulmin e befasishëm nga Gaza të shtunën.
“Në orën 9 të mëngjesit gjyshja na dërgoi një mesazh për prani terroristesh pranë banesës se saj. Ky është mesazhi i fundit që morëm nga ajo, pastaj humbëm kontaktin. Ne nuk mund te lidhemi me gjyshen. Pame një video te saj kur tre katër persona te armatosur e hipën atë ne një karroce golfi dhe e morën me vete. Askush nuk di asgjë për atë”. Duke folur për Reuters, e përlotur Adva Adar tha se familja e saj është shumë e shqetësuar për atë që do të ndodhë më pas me gjyshen e saj.
“Nuk kam si ta shpjegoj. Unë nuk kam asnjë mënyrë. Nuk arrij ta kuptoj se si mund të rrëmbesh një grua 85-vjeçare, të rrëmbesh foshnjat, të rrëmbesh fëmijë. Nuk e kuptoj. Nuk mendoj se ka njeri që mund ta kuptojë. Nuk është aspak një veprim njerëzor”, tha Adar.
Adar e përshkroi gjyshen e saj si një “grua shumë pozitive, shumë te dashur”. E pyetur nëse kishte një mesazh për Hamasin, ajo tha se rrëmbimi i njerëzve të pafajshëm që përpiqeshin të jetonin jetën e tyre nuk ishte njerëzore. Lërini njerëzit të kthehen pranë të afërmeve të tyre deklaroi mbesa e te moshuarës, e cila qe prej te shtunës është rrëmbyer nga terroristet e Hamasit.
Israeli Citizen Adva Adar's 85-year-old grandmother, Yaffa Adar was kidnapped by Hamas Terrorists and paraded with weapons in the Gaza Strip. Adva's grandmother continues to be held hostage. Adva has made an appeal to the world as she explains the trauma her family has faced in… pic.twitter.com/VkkpMxgTzc
— NewsX (@NewsX) October 9, 2023
(Kosova Sot Online)