Lexoni edhe:
Xhaka pranon se ndaj Kosovës është ndeshje e veçantë
Hovenier: Siç e tha senatorja Shaheen, 24 shtatori tregon nevojën urgjente për zbatimin e Marrëveshjes së Ohrit
Ambasadori i SHBA-së në Kosovë, Jeff Hovenier, ka treguar se sot në mëngjes ka shoqëruar senatoret amerikanë Shaheen dhe Welch në takimet që kanë pasur me liderët e vendit.Hovenier ka thënë se i bashkohet solidaritetetit të senatores Shaheen me popullin e Kosovës dhe ngushëllimet për vdekjen e policit Afrim Bunjaku, transmeton "Kosova Sot Online".
Tutje ambasadori amerikan ka shtuar se pajtohet me deklaratën e senatores amerikane, se sulmi i 24 shtatorit nënvizon nevojën urgjente për implementimin e plotë të Marrëveshjes së Ohrit nga Kosova dhe Serbia.
“Kënaqësi për t’u bashkuar me senatorët Shaheen dhe Welch për takimet e tyre në Kosovë këtë mëngjes. Plotësisht dakord me shprehjen e solidaritetit të Senatores. Shaheen me popullin e Kosovës dhe ngushëllimet për vdekjen e rreshterit Bunjaku. Siç tha ajo pas takimeve, sulmi i 24 shtatorit thekson nevojën urgjente për zbatimin e plotë të Ohrit nga Kosova dhe Serbia”, ka shkruar Hovenier.
(Kosova Sot Online )
