Netanyahu: Do ta zhdukim Hamasin

Kryeministri izraelit, Benjamin Netanyahu ka folur rreth zhvillimeve të fundit në vend dhe konfliktit me militantët e Hamasit, transmeton gazeta "Kosova Sot Online".

I pari i qeverisë së Izraelit deklari se ushtria po kryen sulme të papara ndaj armiqve dhe ky është vetëm fillim i fundit të Hamasit.

 “Ne po godasim armiqtë tanë me një fuqi të paparë – ky është vetëm fillimi”, tha ai.

Netanyahu shton se Izraeli po mbledh “mbështetje të jashtëzakonshme ndërkombëtare”, raporton skynews.

“Ne do ta zhdukim Hamasin dhe do të sjellim fitoren”, pohoi kryeministri izraelit.

Ai gjithashtu ka bërë të ditur se ka folur me familjet që kanë humbur të dashurit dhe Izraeli “nuk do t’i harrojë kurrë këto akte të tmerrshme të armiqve tanë”.

Ndryshe, Izraeli ka filluar një kundërofensivë ndaj militantëve të Hamasit, pasi kjo e fundit sulmoi papritur shtetin izraelit.

(Kosova Sot Online)