Arrestohet 26-vjeçari pasi i kapet një shumë parash me 2 euro false

Njësiti për Reagim të Shpejtë në Prishtinë, njofton se ka ndaluar automjetin Audi A4 i cili po drejtohej nga personi A.B., m/k (viti i lindjes 1997), ku gjatë kontrollit në bagazh i është gjetur një sasi e konsiderueshme e monedhave metalike nga 2 €uro, për të cilat ekziston dyshimi i bazuar se janë të falsifikuara, transmeton gazeta "Kosova Sot Online".

Nga njësiti për krime ekonomike, me urdhër të gjykatës është bërë kontrolli i shtëpisë së personit të dyshuar ku janë gjetur dhe sekuestruar:

“490 x 2 copë monedha metalike nga 2 €uro, gjithsejtë në vlerë 980 €uro; Automjeti Audi A4 i përdorur në rast dhe 2 (dy) telefona celular”, njofton policia.

I dyshuari është intervistuar në prezencën e avokatit mbrojtës, ndërsa me aktvendim të Prokurorit të krimeve të rënda nga PTH-Prishtinë i dyshuari është dërguar në mbajtje për 48 orë.

(Kosova Sot Online)