Ja arsyeja pse Sali Berisha i shpëtoi burgut

Gjykata e Posaçme ka caktuar masë sigurie “detyrim paraqitje” dhe “ndalim dalje jashtë shtetit” për ish-kryeministrin Sali Berisha, në kuadër të hetimeve të nisura nga Prokuroria e Posaçme për privatizimin e kompleksit sportiv “Partizani”, transmeton gazeta “Kosova Sot Online”.

Paraprakisht raportohet se për Berishën nuk është dhënë një tjetër masë më e fortë se kjo për shkak të moshës. Sali Berisha është 79-vjeç.

Po ashtu, me kërkesë të SPAK për të njëjtën çështje, është arrestuar mbrëmjen e të shtunës edhe dhëndri i Berishës, Jamarbër Malltezi. Gjithashtu raportohet se u ndalua edhe  biznesmeni Fatmir Bekteshi.

SPAK ka nisur hetimet mbi këtë çështje pas një kallëzimi të bërë nga Taulant Balla në vitin 2020, asokohe kryetar i grupit parlamentar socialist.

(Kosova Sot Online)