Reagon për herë të parë Shkëlzen Berisha, ankohet për avokatin

Shkelzen Berisha ka reaguar për herë të parë ndaj akuzave që i janë bërë babait të tij, ish-kreyeministrit Sali Berisha dhe Jamarbër Malltezit, në lidhje me privatizimin e Kompleksit Partizani, transmeton gazeta “Kosova Sot Online”.

Ndërsa seanca në GJKKO e thirrur për të dëshmuar Sali Berisha, dy avokatët e tij braktisën sallën me arsyetimin se u janë rrëzuar shumë kërkesa.

Në këto kushte, GJKKO shtyu për të dytën herë seancën, ndërsa është caktuar një avokat nga shteti për Berishën, që bëhet fjalë për Artan Simonin.

Për këtë të fundit, djali i Berishës, Shkëlzeni, ka publikuar një status të avokatit dy ditë më parë, i cili bën ironi me ish-kryeministrin duke e cilësuar si “bisha”.

“Ky eshte “avokati” qe gjykatesja qe shkeli kushtetuten ka caktuar per te mbrojtur Sali Berishen! Do i kisha sugjeruar me mire Taulant Ballen se njeh dhe dosjen!”, shkruan Shkëlzen Berisha.

(Kosova Sot Online)