Paralajmërohet takimi i Kurtit me Borellin e Lajçakun
Në margjina të një samiti të BE-së në Bruksel, kryeministri i Kosovës, Albin Kurti, dhe presidenti i Serbisë, Aleksandar Vuçiq, përfunduan takimet e parapara me udhëheqësit evropianë, transmeton gazeta “Kosova Sot Online”.
Ata u pritën veç e veç nga kancelari gjerman, Olaf Scholz, presidenti francez, Emmanuel Macron, kryeministrja italiane, Giorgia Meloni, si dhe përfaqësues të lartë të BE-së.
As Kurti, as Vuçiq nuk dhanë ndonjë deklaratë para gazetarëve.
Burime të BE-së thonë se Kurti pritet të takojë sërish gjatë ditës shefin e politikës së jashtme të BE-së, Josep Borrell, dhe përfaqësuesin e posaçëm të BE-së në dialogun Kosovë-Serbi, Mirosllav Lajçak.
Radio Televizioni i Serbisë raportoi se Vuçiq tashmë i ka takuar ata.
(Kosova Sot Online)
