Ja sa minatorë kanë kërkuar ndihmë mjekësore deri tani
Gjendja e minatorëve që po grevojnë është “jashtëzakonisht e rëndë”, ka deklaruar kryetari i Sindikatës së Minatorëve, Ibrahim Jonuzi, transmeton gazeta “Kosova Sot Online”.
Ai tha se në 24 orët e fundit, mbi 40 minatorë kanë kërkur ndihmë mjekësore.
“Gjendja e minatorëve është jashtëzakonisht e rëndë, po vazhdon duke u përkeqësu nga momenti në moment. Në 24 orët e fundit, numri i minatorëve që kanë kërkuar ndihmë mjekësore është mbi 40”, tha ai.
Jonuzi e ka ftuar kryeministrin Kurti që t’i vizitojë minatorët dhe më pas t’ua bëj një zgjidhje.
“Ai është i vetmi që mund ta gjejë zgjidhjen”, tha Jonuzi.
Sot është dita e gjashtë prej që minatorët në Trepçë kanë nisur grevën. Ata po kërkojnë realizimin e pagës mujore me kohë teksa kërkojnë edhe sigurimin e kushteve të punës. Për këto kërkesa ata po kërkojnë garanci me shkrim.
(Kosova Sot Online)
