Hoti iu 'kapet' Kurtit: Nuk ka shenjë se ku janë harxhuar 8.63 miliardë euro

Deputeti i LDK’së, Avdullah Hoti, ka reaguar pasi Qeveria e Kosovës sot ka miratuar buxhetin për vitin 2024, i cili më pas do të procedohet në Kuvend për shqyrtim dhe miratim, transmeton gazeta “Kosova Sot Online”.

Pas këtij vendimi ka reaguar deputeti i LDK’së, Avdullah Hoti.

Ai tha se mjetet e parapara në buxhet janë “vetëm shifra abstrakte”.

“Miratimi i buxhetit për 2024 do të duhej të ishte lajmi kryesor i ditës dhe i muajit. Por askujt nuk i bën përshtypje. Nga përvoja e tri viteve të fundit me këtë qeveri, secili e ka të qartë se mjetet e parapara në buxhet janë vetëm shifra abstrakte.”

Ai ka shkruar se në tri vjet mandat, Qeveria ka menaxhuar 8.63 miliardë euro, derisa ka shtuar se nuk ka asnjë shenjë se ku janë harxhuar ato.

Poashtu, ai ka thënë se e njëjta vlen edhe për qeverisjen në Prishtinë.

“Në tri vite mandat, kjo qeveri ka menaxhuar 8.63 miliardë euro. As shenjë nuk ka se ku janë harxhuar gjithë ato mjete. Njësoj siç nuk ka shenjë në Prishtinë nga 8 vite qeverisje lokale që kanë udhëhequr 2014-2021, ku janë shpenzuar rreth 400 milionë eurove.”

(Kosova Sot Online)