Vjen reagimi nga Thaçi: Grevistët në Trepçë po ndëshkohen nga Qeveria e Vetëvendosjes

Analisti Jusuf Thaçi përmendi faktin e ndëshkimit të grevistëve në Trepçë nga Vetëvendosja, parti që pretendon të jetë e majtë. Ai tha se këtë “film” po e shohim për herë të parë në vend pikërisht nga Vetëvendosja, transmeton gazeta "Kosova Sot Online".

“Çka nënkupton që udhëhiqemi nga një parti që pretendon të jetë e majtë që nuk përton mi ndëshku grevistët. Vitin e kaluar e patëm me mësimdhënësit që nuk ju pagua paga njeherë pastaj u pagua me vonesë, tash i kemi suspendimin e grevistëve të Trepçës, përtej atyre nëse e kanë paralajmëru grevën apo jo nëse ligji parasheh masa ndëshkuese ose jo, diçka e tillë në Kosovë nuk ka ndodhë asnjëherë që grevistët të ndëshkohen. Për herë të parë këtë film po e shohim nën qeverisjen e Vetëvendosjes që supozohet që do të duhej të ishte parti që i përkrah grevistët”, tha Thaçi në Pressing

“Mos të harrojmë, që në të shkuarën, grevat janë organizuar gjithmonë me ligje të tilla, Vetëvendosja ka qenë në përkrahje të grevave dhe grevistëve vazhdimisht dhe jo vetëm këtu”, u shpreh ai.

(Kosova Sot Online)