Në Kuvendin e Shqipërisë, opozita përmbys karriget e deputetëve socialistë
Opozita ka bllokuar edhe sot zhvillimin normal të seancës plenare në Kuvendin e Shqipërisë ashtu siç kishte paralajmëruar, përcjell “Kosova Sot Online”.
Para nisjes së seancës plenare të ditës së sotme, opozita ka hyrë në sallë duke ndërmarrë hapin e radhës së aksionit të tyre.
Ata kanë hequr karriget e deputetëve socialistë dhe i kanë përmbysur në mes të sallës.
Mësohet se Garda ka ndërhyrë duke u vendosur në vendin e foltores
Raportohet se mes punonjësve të Gardës dhe deputetëve të opozitës ka pasur përplasje në momentin kur këta të fundit kanë nisur të rrëzojnë karriget pranë foltores.
(Kosova Sot Online)