Lexoni edhe:
Lajm i keq për futbollistin Pogba, raportohet suspendimi për dy vite nga futbolli
OKB me apel urgjent, kërkon 1.2 miliard dollarë për të ndihmuar palestinezët
OKB-ja ka nisur një apel për ndihmë urgjente duke kërkuar 1.2 miliard dollarë për të ndihmuar rreth 2.7 milionë njerëz në Gaza dhe Bregun Perëndimor, transmeton "Kosova sot Online".
“Kostoja e plotësimit të nevojave të 2.7 milionë njerëzve – që është e gjithë popullsia e Gazës dhe 500,000 njerëzve në Bregun Perëndimor të pushtuar – vlerësohet të jetë 1.2 miliardë dollarë”, tha Zyra për Koordinimin e Çështjeve Humanitare (OCHA).
OCHA fillimisht kishte kërkuar 294 milionë dollarë ndihmë për të mbështetur afro 1.3 milion njerëz në një apel më 12 tetor. “Situata është bërë gjithnjë e më e dëshpëruar që atëherë”, tha ai.
OCHA tha se apeli i ri do të flasë për nevojën për ushqim, ujë, kujdes shëndetësor, strehim, higjienë dhe prioritete të tjera urgjente pas bombardimeve masive në Rripin e Gazës. “Ne i nxisim donatorët që të vënë menjëherë burimet në dispozicion për përgjigje”, shtoi ai.
“Aftësia jonë për të lehtësuar vuajtjet e popullatës palestineze do të varet nga financimi adekuat; qasje të sigurt dhe të qëndrueshme për të gjithë njerëzit në nevojë, kudo që ndodhen; rrjedhje e mjaftueshme e furnizimeve humanitare; dhe – më e rëndësishmja – karburant”.
(Kosova Sot Online )
