Policia e konfirmon: Memli Krasniqin dhe Lumir Abdixhikun i kemi marrë në mbrojtje
Dy liderët opozitar, Memli Krasniqin e PDK-së dhe Lumir Abdixhikun e LDK-së, policia e Kosovës ka konfirmuar se Njësia për Mbrojtjen e Afërt e Policisë së Kosovës i ka marrë në mbrojtje, transmeton gazeta “Kosova Sot Online”.
Lajmin e ka konfirmuar, Safet Jashari, Udhëheqës i Njësisë për Vlerësimin e Rrezikshmërisë në Policinë e Kosovës.
“Po, është e vërtetë se i kemi ofruar mbrojtje”, tha ai.
Por, Jashari nuk ka dhënë informacione se cilat janë arsyet e ofrimit të kësaj mbrojtjeje dhe nëse dy liderët kanë marrë kërcënime serioze.
“Nuk mund mund të flas sepse këto të dhëna janë konfidenciale.”, tha Jashari.
(Kosova Sot Online)
