Kryeministri Kurti takohet me guvernatorin e BQK-së, i jep mbështetje për “realizimin e përgjegjësive dhe misionit”
Kryeministri i Kosovës, Albin Kurti, është takuar sot me guvernatorin e Bankës Qendrore të Kosovës, Ahmet Ismailin, përcjell “Kosova Sot Online”.
Zyra e Kryeministrit thotë se Kurti e uroi Ismailin për detyrën dhe “e falënderoi guvernatorin Ismaili për angazhimin e tij të deritanishëm në krye të BQK-së.
“Guvernatori Ismaili e njoftoi kryeministrin Kurti mbi punën e BQK-së, planet dhe synimet”, thuhet në njoftimin e ZKM-së.
“Shërbimet bankare, digjitalizimi i tyre dhe rruga drejt zgjidhjes së çështjes së kamotshme të Kartonit të Gjelbër për automjete ishin disa prej temave që u diskutuan bashkë në takim”, thuhet në njoftim.
(Kosova Sot Online)