Albin Kurti: Qeset plastike në Kosovë do vazhdojnë ta kenë çmimin 5 cent

Kryeministri i Republikës së Kosovës, Albin Kurti dhe Ministri i Ministrisë të Mjedisit, Planifikimit Hapësinor dhe Infrastrukturës, Liburn Aliu,  kanë vizituar dyqanet në Prishtinë, transmeton gazeta “Kosova Sot Online”.

Kurti tha se qeset e thjeshta pa logo do të jenë falas për qytetarët, ndërsa qeset me logo do ta kenë një kushtueshmëri prej 5 centëve.

Kjo për shkak se siç u shpreh kryeministri është rritja e përgjegjshmerisë për ambient dhe vetëdijësimin e njerëzve për ndryshimet klimatike.

“Vetëm këto qeset pa dorëza pa vegëza do të jenë falas dhe këto përdoren për fruta dhe perime ndërkaq ato qeset prej 25 deri 50 gram do të kushtojnë 5 centë, 2 centë shkojnë në buxhet të shtetit. Por është mirë që aso të kemi sa më pak të drejtë aspak dhe torbat merreni me vete kur blini gjësende nëpër vetëshërbime apo markete”, tha Kurti.

(Kosova Sot Online)