KRU Prishtina del me njoftim për ujin e Badocit

KRU Prishtina përmes një njoftimi për media kanë bërë të ditur se me rekomandim të DCBDU dhe IKSHP gjatë ditës së nesërme me 11 nëntor, KRU Prishtina do të bëjë shpëlarjen e linjave magjistrale dhe sekondare në zonat që furnizohen nga Badoci, me qëllim të përmirësimit të kualitetit të uji, transmeton gazeta “Kosova Sot Online”.

“Me rekomandim të DCBDU dhe IKSHPK gjatë ditës së nesërme, 11 nëntor 2023, e shtunë KRU” Prishtina” do të bëj shpëlarje të linjave magjistrale dhe sekondare në zonat që furnizohen nga ITU Badoc, me qëllim të përmirësimit të kualitetit të ujit”, thekson njoftimi.

Ndërkohë bëhet e ditur se autobotët janë në terren vazhdimisht për të shpërndarë ujë të pijshëm për pije dhe përgatitje ushqimi.

(Kosova Sot Online)