Vjen paralajmërimi: Serbia ka plane ogurzeza për Kosovën

Ish-kryeinspektori i Agjencisë Kosovare për Inteligjencë (AKI), Burim Ramadani, ka deklaruar se Serbia ka plane ogurzeza për Kosovën, transmeton gazeta "Kosova Sot Online".

Ramadani ka thënë se Serbia nuk do të mjaftojë me themelimin e Asociacionit të komunave me shumicë serbe.

Sipas tij, në një botë ideale do të ishte i duhur çdo mekanizëm që mbron pakicat.

Por ai thotë se në këtë rast kemi të bëjmë me Serbinë e që ka plane kundër Kosovës.

”Nëse ka plane ajo ka me i keqpërdor jo vetëm komunat, por edhe Asociacionin. Unë po flas për rreziqet. Sikur të jetojmë në një botë utopike mekanizmat shtesë për mbrojtjen e pakicave do të ishte ideale për demokracinë. Por po flasim për Serbinë që ka plane ogurzeza”, ka thënë ai. 

(Kosova Sot Online)