Lexoni edhe:
Gazetari nga Brukseli: Regjimi i Serbisë njofton kthimin e ushtrisë në Kosovë, NATO dhe BE ta marrin seriozisht
Cameron: Pauza në luftë është mundësi që të sigurohet më shumë ushqim dhe derivate në Gazë
Sekretari i Jashtëm i Britanisë së Madhe, David Cameron ka thënë se marrëveshja e arritur mes Izraelit dhe Hamasit është e rëndësishme sepse armëpushimi do të ndihmojë që në Gazë të sigurohet sasi e madhe ushqimi dhe derivate, transmeton "Kosova Sot Online ".
Ai përshëndëeti marrëveshjen duke theksuar se do të ndihmojnë në lehtësimin dhe largimin e stresit të familjarëve të pengjeve, duke pranuar se kjo do të zgjidh krizën humanitare në Gazë, transmeton Telegrafi.
Ai i bëri thirrje dy palëve që të sigurohen që marrëveshja të respektohet plotësisht dhe ritheksoi premtimin e Britanisë së Madhe, se do të punojë me partnerët në lirimin e më shumë se 200 pengjeve që janë marrë nga Hamasi.
Sipas marrëveshjes do të ketë armëpushim katërditor, kurse ndihma humanitare do të lejohet të futet në të gjitha pjesët e Gazës.
Cameron tha se pauzat në luftëra ofrojnë mundësi të rëndësishme që të sigurohet më shumë sasi e ushqimit, derivateve dhe ndihmave tjera për shpëtimin e jetëve të njerëzve në Gazë.
“Tashmë kemi dyfishuar përpjekjet për ndihmë palestinezëve gjatë këtij viti dhe do të bashkëpunojmë ngushtë me Kombet e Bashkuara, për t’u siguruar që ndihma të shkojë tek ata që kanë nevojë”, tha për fund Cameron.
(Kosova Sot Online )
