Zbulohen detaje nga takimi Osmani - Hovenier
Ambasadorin e Shteteve të Bashkuara të Amerikës, Jeffrey Hovenier, sot gjatë ditës, e priti në takim presidentja e Kosovës, Vjosa Osmani, transmeton gazeta "Kosova Sot Online".
Sipas njoftimit për media nga Presidenca, bëhet e ditur se Osmani dhe Hovenier biseduan për zhvillimet e fundit në vend e rajon, procesin e dialogut dhe situatën e sigurisë në vend.
Presidentja Osmani me këtë rast nënvizoi edhe njëherë rëndësinë e bashkëpunimit të ngushtë me SHBA-të për të fuqizuar prezencën e Kosovës në arenën ndërkombëtare.
(Kosova Sot Online)