Burgjet me qira për Danimarkën, Gjyshinca del kundër Qeverisë

Deputeti i VV-së, Gazmend Gjyshinca, ka thënë se nuk do të votojë “pro”, marrëveshjes për burgjet me qira në mes të Republikës së Kosovës dhe Mbretërisë së Danimarkës, përcjell “Kosova Sot Online”.

Ai ka thënë se do të abstenojë në momentin kur kjo marrëveshje të hidhet në votim.

“I kuptojmë aleancat e linjat. Kosova ka ditur të jetë krah aleatëve. Është dëshmuar me Afganistanin, kemi pritur refugjatë. Mirëpo në lidhje me pikën të cilën po diskutojmë, dua ta shpreh shqetësimin tim që do të përkthehet pastaj në votë abstenuese.

Mbi çfarë ndërtohet ky shqetësim ka të bëjë më një refuzim ideologjik që unë e kam përballë nismave të tilla. E shoh në perspektivën e prestigjit të shtetit, të drejtës ndërkombëtare”, ka thënë Gjyshinca.

“Por e shoh nga perspektiva neo-kolonialsite me mëlmesa orientale. E kam të pamundur të votoj për këtë marrëveshje. Kosova as nuk mundet as s’duhet të jetë paradhomë për kriminelë e për vepra të ndryshme penale”, shprehet deputeti kosovar.

(Kosova Sot Online)