E rrahu gruan dhe ia dëmtoi telefonin, arrestohet burri në Mitrovicë të Veriut
Një person është arrestuar në Mitrovicë të Veriut, pasi i njëjti ka ushtruar dhunë fizike dhe psikike ndaj bashkëshortes së tih dhe më pas ia ka dëmtuar edhe telefonin, përcjell “Kosova Sot Online”.
Në raportin e policisë bëhet e ditur se gruaja është intervistuar dhe i është lëshuar urdhër mbrojtës emergjent.
“Është arrestuar i dyshuari kosovar pasi që pas një mosmarrëveshje me bashkëshorten e tij viktimën kosovare, ndaj të njëjtës kishte ushtruar dhunë fizike dhe psikike si dhe ia kishte dëmtuar telefonin e saj. Lidhur me rastin është intervistuar viktima dhe i është lëshuar urdhër mbrojtës emergjent. Me vendim të prokurorit kujdestar, i dyshuari është dërguar në mbajtje”, thuhet në raportin e policisë.
(Kosova Sot Online)