Kurti për “Ditën e Forcës: Është një ditë e gëzimit, FSK është trashëgimtare e UÇK -së

Kryeministri i Kosovës, Albin Kurti, sot ka vizituar kazermën “Adem Jashari” në nder të “Ditës së Forcës”, përcjell “Kosova Sot Online”.

Për FSK’në, Kurti tha se është forcë e bashkimi dhe krenarisë tonë , teksa ka shtuar se FSK është trashëgimtare e UÇK’së.

Tutje, Kurti shtoi se Qeveria e Kosovës në më pak se tri vjet ka bërë më shumë se dyfishim të buxhetit për Ministrinë e Mbrojtjes.

“Është një ditë e gëzimit, kur në të njëjtën kohë i përkujtojmë të gjithë ata që sakrifikuar por edhe me optimizëm ecim drejt së ardhmes kur e dimë se sa të sigurt jemi ushtrinë tonë. Qeveria e Republikës së Kosovës në më pak se tri vjet ka bërë më shumë se dyfishim të buxhetit për Ministrinë e Mbrojtjes, ka bërë gati trefishim të investimeve në armatim dhe më shumë se katërfishim të trajnimeve dhe shkollimeve të oficerëve dhe ushtarëve tanë jashtë vendit. Konkretisht për më pak se 32 muaj, kemi dërguar 3459 ushtarë e oficerë jashtë vendit. Në të njëjtën kohë, e kemi të qartë se FSK është trashëgimtare e UÇK’së dhe nesër e kemi 28 nëntorin, që e shënojmë në kujtrime të trinisë – flamurin e kuq me shqiponjën dykrenare të Skënderbeut në Krujë, të Ismail Qemalit në Vlorë e të Adem Jasharit në Prekaz”, tha ai.

(Kosova Sot Online)