Serbia arreston edhe një mërgimtar në kufi

Raportohet se edhe një mërgimtar është arrestuar nga Serbia, gjersa i njëjti po kthehej për Kosovë për festat e nëntorit, transmeton gazeta “Kosova Sot Online”.

Këtë e ka bërë të ditur avokati Xhevdet Smakiqi me anë të një postimi në Facebook.

Sipas familjarëve, ai është arrestuar për faktin se i është gjetur kartela e veteranit e babait të tij.

Njoftimi i plotë i Smakiqit:

Shteti i Serbise nuk po ndalet se arrestuari pa arsyetim shqiptaret qe po kthehen nga Europa per festat e Nentorit ne Kosovë!

Ne cilësinë e avokatit te Familjes Bytyqi jam autorizuar nga Familja Bytyqi nga Fushë Kosova te njoftoi edhe instutcionet e Kosoves MPJD-në, por edhe publikun se dje me 26 Nentor 2023 rreth ores 11:40h Policia Serbe e ka arrestuar ne kufirin Kroaci Serbi Kushtrim Liman Bytyqin nga Fushë Kosova deri sa po kthehej nga Gjermania per festat e Nentorit tek familja e tij.

Sipas famlijarëve te Kushtrim Bytyqit ai ishte arrestuar pse i kishin gjetur karten e veteranit te babait te tij si pjestar i UÇK-se po ashtu i jane sekuestruar sende persnale dhe te hollat ne kuluten e tij.

Familja Bytyqi eshte ne ankth pasiqe perveç njoftimit ne momentin e ndalimit nuk ka asnje konkatk se ku po mbahet djali i tyre Kushtrim Bytyqi.

Ne emer dhe si avokat i Familjes Bytyqi permes ketij postimi kerkoi nga Ministrija e Jashtme e Kosoves qe permes rrugve diplomatike te ndermarrë te gjitha veprimet per te kuptuar se ku po mbahet shtetasi i Kosoves Kushttim Bytyqi dhe qe ai te lirohet sa me i shpejtë.

Stop torturimit te shtetasve te Kosoves nga Serbia. 

(Kosova Sot Online)