Miftaraj rendit kushtet që duhet Kosova të plotësojë për KiE pas publikimit të raportit
Njohësi i çështjeve ligjore, Ehat Miftaraj, i cili është edhe drejtor në Institutin e Kosovës për Drejtësi, ka nxjerrë disa kushte që, sipas tij, Kosova duhet të plotësojë për anëtarësim në Këshillin e Europës bazuar në raportin e publikuar nga raportuesit për anëtarësimin e Kosovës në këtë organizatë, përcjell “Kosova Sot Online”.
Postimi i plotë:
Kushtet shtesë për anëtarësim në Këshillin e Europës:
Të vazhdohen përpjekjet për reformimin e gjyqësorit në bashkëpunim me Këshillin e Evropës dhe duke respektuar plotësisht standardet e Këshillit të Evropës
Te ndërmirren hapat e nevojshëm për të siguruar që kërkesat pronësore nga refugjatët dhe PZHBV-të të gjykohen brenda një kohe të arsyeshme;
Te vazhdohen përpjekjet për të luftuar korrupsionin dhe krimin e organizuar dhe për të siguruar zbatimin e duhur të legjislacionit të ri në këtë fushë;
Përdorimi i forcave speciale policore në veri të Kosovës të përmbahet nga kryerja e detyrave të zakonshme policore dhe të sigurohet që forcat e tilla të dislokohen vetëm aty ku është e nevojshme dhe në koordinim të ngushtë me KFOR-in dhe EULEX-in.
(Kosova Sot Online)