![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Flasin kolegët e punës të Liridona Ademajt: Ajo e donte jetën familjare dhe 2 djemtë e saj të mrekullueshëm
![Flasin kolegët e punës të Liridona Ademajt: Ajo e donte jetën familjare dhe 2 djemtë e saj të mrekullueshëm](/uploads/kosova-sot/images/2023/December/03/auto_Liridona_Ademaj1701608901.jpg)
Padyshim vdekja e Liridona Ademajt, i ka pikëlluar shumë kolegët e punës në Suedi, transmeton gazeta “Kosova Sot Online”.
Ata shprehen dhimbjen e tyre përmes një shkrimi në faqen zyrtare të lokalit.
“Ajo e donte jetën familjare dhe 2 djemtë e saj të mrekullueshëm më shumë se çdo gjë në botë”, shkruan në postimin e Lejas Cafe në Facebook.
“Ajo ishte një shoqe dhe punonjëse shumë e dashur për të gjithë”, vazhdon tutje shkrimi.
Kolegët e saj thanë se kishin marrë shumë pyetje lidhur me rastin tragjik, por për hir të familjarëve saj, nuk kishin reaguar.
Stafi njofton se në kujtim të Liridonës apo “Lillyt” siç e quanin ata, lokali do të jetë i hapur sot nga ora 15:00 për të bërë homazhe.
Liridona Ademaj, u vra në mbrëmjen e 29 nëntorit në fshatin Sinidoll të Prishtinës.
Lidhur me ngjarjen, ndaj të dyshuarit kryesor, ish-bashkëshortit të saj Naim Murselit, dhe dy të tjerëve, Granit Plavës dhe Kreshnik Kokallës, është caktuar nga një muaj paraburgim nga ana e Gjykatës Themelore të Prishtinës.
Ish-bashkëshorti i Liridonës, Naimi, e ka pranuar fajësinë se ka paguar vrasjen e saj.
Ai dyshohet se ka paguar 30 mijë euro për kryerjen e aktit makabër.
(Kosova Sot Online)