A e dinte policia se Naimi e porositi vrasjen derisa ishte në varrimin e Liridonës?
Policia dhe Prokuroria e dinin se Naim Murseli ishte porositësi i vrasjes së bashkëshortes së tij, Liridona Ademajt, qysh para varrimit të saj të premtën, ka deklaruar avokatja Fehmije Bytyqi, transmeton gazeta “Kosova Sot Online”.
Bytyqi tha se është pritur përfundimi i ceremonisë së varrimit për ta arrestuar atë dhe dy të akuzuarit tjerë, ndërsa e përgëzoi Policinë për punën.
“Me informatat të cilat i kam, Policia dhe Prokuroria kanë qenë në dijeni për porositësin para se të ndodhte varrimi i Liridonës. Kanë pritur deri në përfundim të ceremonicë së varrimit për ta arrestuar”, tha ajo.
“Institucionet tona e kanë kryer punën shumë mirë”, theksoi avokatja.
(Kosova Sot Online)
