Kjo është vajza e re nga Vitia që vdiq në një aksident

Një grua ka vdekur mbrëmë në një aksident trafiku në fshatin Gërmovë të Vitisë, përcjell “Kosova Sot Online”.

Deri tek aksidenti sipas policisë, ka ardhur si pasojë e humbjes së kontrollit mbi veturën që ajo po drejtonte, duke u përplasur me një autobus që po lëvizte në kahjen tjetër të rrugës.

Me vendim të prokurorit trupi i pajetë është dërguar në obduksion.

“Fsh. Gërmovë, Viti / 06.12.2023 – 21:28. Një femër kosovare ka pësuar lëndime të rënda trupore pasi ka humbur kontrollin mbi veturën që e drejtonte, duke u përplasur frontalisht me një autobus që po lëvizte në kahjen tjetër të rrugës. Viktima është dërguar për trajtim mjekësor ku nga mjekët është konstatuar se ka ndërruar jetë. Me vendim të prokurorit trupi i pajetë është dërguar në obduksion”, thuhet në njoftimin e policisë.

Emrin dhe fotografinë e saj e ka publikuar kryetari i Vitisë, Sokol Haliti, përmes faqes së komunës.

Në një postim në Facebook, ai ka ngushëlluar familjes.

“E nderura familje Sylejmani! Me dhembje të thellë pranuam lajmin për humbjen tragjike të Jehona Sylejmanit nga fshati Gërmovë e Vitisë. Në këto çaste të vështira,të pikëllimit ne ju shprehim ngushëllimet më të sinqerta familjes dhe të gjithë atyre që e njohen atë dhe bashkëndjejmë me ju në këto çaste të pikëllimit.Ngushëllime!”, ka shkruar ai.

(Kosova Sot Online)