Flet nëna e Kushtrim Kokallës: S’kemi hak as hile me askënd/Graniti dritë mos paftë pse na e banë këtahen

Gjykata Themelore në Prishtinë ka caktuar masën e paraburgimit në kohëzgjatje prej një muaji për të tre të pandehurit: Naim Murseli, Granit Plava dhe Kushtrim Kokolla, të tre të arrestuar për vrasjen e Liridona Ademajt, transmeton gazeta “Kosova Sot Online”.

Nëna e Kushtrimit në një prononcim në gjendje të rëndë emocionale ka thënë se veq shpirti sa nuk u ka dalë.

‘’S’kemi çka me folë. Veç sa s’na ka dalë shpirti. Jem pa hak as pa hile. Naimin e kam djalë të vëllait. Unë trauma kom. S’kemi hak as hile me askënd. Ai (Graniti) mos paftë dritë, dritë mos paftë. Pse na e banë këtahen kështu’, ka thënë nëna e Kushtrimit në gjendje të rënduar.

Sipas gjykatës, Naim Murseli dyshohet për veprën penale ‘Vrasje e rëndë në bashkëkryerje‘, Granit Plava për veprën penale ‘Vrasje e rëndë‘ dhe veprën penale ‘Mbajtja në pronësi, kontroll ose posedim të paautorizuar të armëve‘ dhe i pandehuri Kushtrim Kokolla për shkak të veprës penale ‘Marrëveshja për të kryer veprën penale Vrasje e rëndë‘.

(Kosova Sot Online)