Vdes në detyrë një polic i Njësisë Speciale të Kosovës
Raportohet se një polic i Njësive Speciale të Policisë Kufitare ka vdekur në vendin e punës teksa po qëndronte në pikën kufitare në Jarinjë, transmeton gazeta "Kosova Sot Online".
Zëvendësdrejtori i Policisë së Kosovës për rajonin e veriut ka njoftuar se polici Rexhep Sejdiu u gjet i vdekur këtë mëngjes.
“Rreth orës 07:20 është gjetur i vdekur zyrtari policor, gjatë ndërrimit në Jarinjë. Kolegët e kanë gjetur të vdekur, disa orë pasi ishte shtrirë për të pushuar”, tha Elshani.
Polici la pas gruan, nënën dhe dy fëmijë.
Trupi i pajetë është dërguar për obduksion në Institutin e Mjekësisë Ligjore.
Varrimi i tij pritet të bëhet nesër.
(Kosova Sot Online)