Gjykata Speciale njofton se kur do të del Haxhi Shala në sallën e gjyqit

Paraqitja e parë e Haxhi Shalës do të mbahet më 13 dhjetor në orën 14:00 në sallën e gjyqit të Dhomave të Specializuara të Kosovës, kanë njoftuar Dhomat e Specializuara të Kosovës në Hagë, transmeton gazeta “Kosova Sot Online”.

Paraqitja e parë do të mbahet në seancë publike.

“Paraqitja e parë e Haxhi Shalës është caktuar të mbahet më 13 dhjetor 2023 në orën 14:00 në sallën e gjyqit të Dhomave të Specializuara të Kosovës (DHSK) në Hagë. Paraqitja e parë do të mbahet në seancë publike. Gjatë paraqitjes së parë Gjykatësi i Procedurës Paraprake garanton respektimin e të drejtave të të akuzuarve, përfshirë të drejtën për përfaqësim juridik, dhe se të akuzuarit i kuptojnë akuzat e paraqitura kundër tyre.”

“Paraqitja e parë mund të ndiqet nga faqja elektronike me një vonesë të shkurtër në https://ëëë.scp- ks.org/sq/transmetim. Gjithashtu, seanca mund të ndiqet dhe nga galeria publike e sallës së gjyqit të Dhomave të Specializuara të Kosovës në Hagë. Gjithashtu, në ndërtesën e DHSK-së gjendet dhe një qendër e posaçme për mediat, ku gazetarët mund të punojnë dhe të ndjekin procesin me një vonesë të shkurtër.”

(Kosova Sot Online)