Njëri nga të dyshuarit për dhunimin e një vajze të re është babai i një ish-deputeti të Kuvendit të Kosovës
Për dhunimin e 23-vjeçares nga Shqipëria, dy persona janë arrestuar në Pejë në cilësinë e të dyshuarve, transmeton gazeta “Kosova Sot Online”.
Raportohet se njëri nga të dyshuarit është babai i një ish-deputeti të Kuvendit të Kosovës.
Arrestimin e dy personave e ka konfirmuar zëdhënësi i Prokurorisë Themelore në Pejë, Shkodran Nikçi.
Lidhur me këtë rast kishte njoftuar edhe Policia e Kosovës.
“DHUNIM- Pejë. 08-09.12.2023 – 18:00-09:00. Nga njësitë policore në Pejë është gjetur viktima femër shtetase e Shqipërisë e cila ishte raportuar në policinë e shtetit të Shqipërisë si person i zhdukur. Lidhur me rastin e njëjta është dërguar në emergjencë për kontrollë mjekësore, ndërsa nën dyshimin se ndaj të njëjtës është kryer vepra e lartcekur me urdhër të prokurorit viktima është dërguar për ekzaminim në IML. Rasti është duke u hetuar”, thuhet në raportin e 11 dhjetorit të Policisë së Kosovës.
(Kosova Sot Online)