Hovenier: Bashkëpunimi Kosovë-SHBA është shumë thelbësor

Me Ndihmës Sekretarin e departamentit të shtetit për çështje evropiane dhe euroaziatike, Jim O’Brien, është takuar ministri i Mbrojtjes, Ejup Maqedonci, transmeton gazeta “Kosova Sot Online”.

Për këtë takim ka reaguar në platformën X edhe ambasadori i SHBA-vë në Kosovë, Jeff Hovenier, i cili këtë takim e ka cilësuar si të rëndësishëm.

Hovenier ka thënë se bashkëpunimi Kosovë-SHBA është shumë thelbësor për arritjen e qëllimeve të SHBA-ve me Kosovën.

”Takimi i rëndësishëm mes ministrit @EjupMaqedonci dhe Ndihmës Sekretari O’Brien sot. Bashkëpunimi ynë në sektorin e sigurisë është thelbësor për arritjen e qëllimeve tona me Kosovën, duke përfshirë mbështetjen e integrimit të plotë të Kosovës në institucionet evropiane dhe euroatlantike”, ka shkruar ambasadori amerikan. 

(Kosova Sot Online)