Von Der Leyen: Rruga e Kosovës dhe Serbisë drejt BE-së vie përmes përmbushjes së obligimeve
Rruga e Kosovës dhe Serbisë drejt BE-së vie përmes përmbushjes së obligimeve të marra nga dialogu, ka deklaruar kryetarja e Komisionit Evropian, Ursula von der Leyen, transmeton gazeta "Kosova Sot Online".
Ajo e ka mirëpritur zbutjen e tensioneve në Veri, duke përmendur në veçanti, targat, rrymën e përgatitjet për zgjedhje atje.
”E mirëpres zbutjen e tensioneve në veri, veçanërisht për targat, rrymën dhe përgatitjet për zgjedhje të parakohshme lokale”, ka thënë ajo.
Kujtojmë se Brukseli ka dalë me një deklaratë të gjatë nga Samiti BE-Ballkani Perëndimor, në të cilën theksohet se udhëheqësit e BE-së dhe shtetet anëtare, presin progres të shpejtë në normalizimin e marrëdhënieve mes Kosovës dhe Serbisë, zbatimin e marrëveshjeve të arritura, dhe vazhdimin e përpjekjeve për uljen e tensioneve mes dy vendeve.
(Kosova Sot Online)